A Sociedade Deportiva Atlético Novás convoca ás súas socias e socios á Asemblea Xeral Ordinaria, que terá lugar o sábado 6 de setembro no Pavillón Municipal do Rosal, en primeira convocatoria ás 11:00 horas e en segunda convocatoria ás 11:30 horas.
Este encontro anual representa un dos momentos máis importantes da vida social e deportiva do club, xa que nel se exporán e someterán a aprobación temas fundamentais para o presente e o futuro da entidade.
A orde do día será a seguinte:
1. Estado de contas da tempada 2024/2025
2. Orzamento económico 2024/2025
3. Autorización de avais/póliza
4. Presente e futuro do club
5. Rogos e preguntas
A directiva do Atlético Novás fai un chamamento á participación activa da masa social, lembrando que a implicación das socias e socios é esencial para seguir consolidando o proxecto deportivo e institucional que o club leva desenvolvendo nos últimos anos.
Para poder acceder á asemblea será imprescindible presentar o carné de socix da tempada 2024/2025 xunto co DNI.